Keilir

Keilir er 379 metra móbergskeila sem gnæfir yfir Reykjanesi. Keilir er ekki virk eldkeila heldur varð til í einu gosi undir þykkum jökli á ísöld. Keilir sést víða að og sjómenn notuðu hann mikið til þess að marka fiskimið og staðsetja sig. Skemmtilegt er að ganga á Keili í góðra vina hópi, 3,5 km gangan upp tekur um 55 mínútur með 200 metra hækkun frá Höskuldarvöllum. Á toppi Keilis er útsýnisskífa og gestabók og tilvalið að njóta Keilis í góðu veðri.