Litla Brugghúsið setti svip sinn á Bjórhátíð Ölverks

Það var líf og fjör þegar Litla Brugghúsið lagði leið sína á Bjórhátíð Ölverks fyrstu helgina í október. Fjöldi gesta heimsótti básinn okkar, smakkaði bjórana og tók þátt í skemmtilegum umræðum um bragð, hráefni og handverksbruggun.

Föstudagurinn var tileinkaður Sólmyrkva og Keili IPA. Sólmyrkvi vakti forvitni með sínum sérstaka bláberjakeim og karakter, á meðan Keilir IPA sló í gegn hjá humlaunnendum sem kunnu vel að meta ferskt og kraftmikið IPA-bragð.

Á laugardeginum tóku Lite og Skeggi við keflinu. Lite reyndist vinsæll meðal þeirra sem vildu léttan og þægilegan bjór til að njóta yfir góðu spjalli, en Skeggi sýndi sínar bestu hliðar með ríkulegu bragði sem fékk gesti til að koma oftar en einu sinni við á básnum.

Það sem stendur þó helst upp úr eftir helgina eru öll skemmtilegu samtölin, nýju kynnin og áhuginn sem gestir sýndu bjórunum okkar. Við hjá Litla Brugghúsinu erum einstaklega þakklát fyrir þær frábæru móttökur sem við fengum og fyrir alla þá sem komu við, smökkuðu bjórana og deildu með okkur sínum upplifunum.

Bjórhátíðin í Hveragerði er sannkölluð hátíð bjórmenningar og við erum stolt af því að hafa verið hluti af þeirri veislu. Við hlökkum nú þegar til næstu hátíðar og að skála með bjórunnendum alls staðar að af landinu.